拜人：「超高性价比，功能有惊喜」全片幅单反PENTAX K-

PENTAX fans等咗咁耐，终于等到全片幅K-1出场。之但係就算你之前有齐成套PENTAX单反连镜，都有可能因为手上大部份镜头唔係全片幅镜，最后要成套换过晒，咁PENTAX K-1值唔值得班fans升级？又或者会唔会吸引到其他品牌用户转阵营呢？

解像度达3600万像素嘅相机市面上唔太多，尤其两万蚊以下嘅，大部份係2000至2400万像素左右。一来係未必人人有需要咁高解像度啦，二来厂方亦需要喺解像度同感光力上取得平衡。PENTAX K-1选用一块3600万像素感光元件，并且不设低通滤镜，但定价係$16,500。作为一部旗舰级嘅相机，解像度亦胜过相近价位嘅对手，就咁睇牌面己经一个「抵」字。当然，抵係一件事，係咪真係值得考虑又係另一回事。笔者从质素同功能角度分析一下：

◆ K-1有啲似PENTAX 645Z同K-3II嘅合体。
◆ 主模式转盘，有成5个用家自订模式咁多。
◆ 机背啲掣好凸出。
◆ 机顶两个快速调校转盘好实用。
◆ 镜框好大。
◆ 顶级机，当然唔会有内置机顶灯啦！咁咪几型！
◆ 开关掣。
◆ 双卡插糟。
◆ LCD设计好特别。

解像力与感光力

3600万像素无低通效果係点？睇下以下实拍相片：

◆ 试相一，按下可放大原相。（超大档案）
◆ 试相二，按下可放大原相。（超大档案）
◆ 试相三，按下可放大原相。（超大档案）呢张可特别留infocus位置鐡线上纹理。
◆ 试相四，按下可放大原相。（超大档案）
◆ DA200mm影，开咗修正。（已裁咗左上角出嚟）
◆ DA200mm影，闩咗修正。（已裁咗左上角出嚟）

试机呢几日唔好彩天气麻麻，所以试相嘅色比较阴沉。呢部机不设低通滤镜，但出来嘅影像并冇笔者预期咁sharp。唔係话佢濛，只係唔似得其他同样冇低通滤镜嘅机种咁锐利。上面仲有两张试相係用咗原厂DA200mm f2.8嘅镜头去影，因为据原厂表示，有几支DA镜头嘅成像圈其实係够大嘅，但可能需要手动set返做FF模式同开返镜头纠正功能。睇返上面两张相由左上角裁剪出嚟嘅相片比较，其实会发现闩咗纠正嗰张只係角位濛咗少少，根本就係一支全片幅嘅镜头！

如果计其他都係3600万像素嘅FF机，冇乜边部感光度高过ISO25600，但K-1竟然可以去到ISO204800咁高，睇吓实际效果係点！

相片由ISO1600开始见到有杂讯，但以3600万像素嚟计就算去到ISO6400，张相嘅杂讯仍然係喺可以接受嘅範围之内。如果你大部份情况都唔需要放100%去用，可能连ISO12800你都会觉得「可用」。计落佢呢方面嘅表现比部份2000~2400万像素嘅全片幅相机仲要好。

操作性

每个牌子操作上都有啲唔同，例如前后转盘嘅摆位有少少唔同、各项设定方式有少少唔同等。就算你之前已经有同厂K-3II，可能都会觉得呢部呢位K-1有唔同。最主要係机顶右边多咗两个转盘，一个係选择你想调校咩功能，另一个就係调校用。不如大家睇睇以下片编嘅讲解：

而家好多顶级机都会有好多掣係畀用家自己设定功能，不过K-1自订配置唔多，如果用家已有一套纯熟嘅操作习惯，可能要改变一下。笔者好欣赏机顶新增嘅两个转盘，令部份常用设定变得就手快捷。另外PENTAX嘅单反都係将有关于对焦嘅模式设计掣安排喺机身前方，虽然係佢嘅特色，习惯咗嘅朋友亦可能会欣赏佢够集中，但笔者个人觉得当左手托住支大光圈镜头嗰阵其实几难去调校，所以放返喺机背其实更好。另外，佢个LCD芒嘅设计几特别，左右嘅可动角度唔大，但用嚟低炒人像方便得多。

特别功能

讲完操作方面嘅优劣，係时候讲吓K-1有乜嘢煞食功能，其可动式感光元件提供减低摩尔纹出现机会嘅低通滤镜模拟器、提升影像质素嘅像素偏移解析度，以及用低ISO细光圈影星空嘅天体追蹤，几项功能都係继承同厂APS-C旗舰K-3II。

◆ 最多33个对焦点。
◆ 双卡可以设定点分配。
◆ 可以选择Adobe提出嘅DNG raw格式，咁就唔拍开唔到。
◆ 像素偏移解析度，係利用感光元件移动影4张相再合併成一张。
◆ 配合内置GPS，连块感光元件都识追住啲星嚟影。
◆ 低通镜模拟功能。
◆ 观景窗可以显示嘅资料。
◆ 拍片唔太劲，只有全高清最多60i。
◆ 有26项个人化设定。

◆ 200mm f2.8其实好细支。
◆ 因为係DA镜，会自动Crop Mode，要手动指定返FF。

优点与不足

PENTAX K-1最令笔者惊喜嘅係佢有3600万像素嘅同时，又有唔错嘅高感光表现，属现时市面上解像度同感光嘅平衡最好嘅一部。不过，佢连拍能力唔係咁高，对焦速度同敏感度表现平平，较为适合拍摄静态画面。

一拎上手觉得部机几重，可能因为机身唔太大令人易有错觉。手柄对笔者嚟讲係大咗啲，长时间影相应该会几攰，要大手掌先驾驭得到。操作上，笔者锺意佢新增喺机顶嘅两个快速调校转盘，相比其他机「Quick Menu」方便快捷得多，只可惜冇自订功能档位，如果有两三个用户自订档就perfect池。

以定价一万六千蚊左右提供呢个水準同贴心功能嘅相机，性价比非常高。如果冇镜头负担问题，咁啱又想升级玩吓全片幅，的确值得列入考虑名单之上。镜头选择方面不能否认佢始终只係喺起步阶段，冇二手镜拣，好在佢总算有齐大三元、两支高阶长镜、三公主、一支微距镜，加两支声称DA镜但实际有足够成像圈嘅长镜，再加上一支同期出嘅「kit镜」，加埋有超过10支镜拣，计落唔算太输蚀。